NOTOJ:

(1) Temas pri la unua el la kvar poemoj, el kiuj konsistas la impona kaj genia "Funebra kanto por Ignacio Sánchez Mejías", unu el la plej eksterorinaraj tiuspecaj lirikaĵoj el la hispana lingvo. Rimarkindas en ĝi la kunestado de dekunusilaboj (klera tendenco) kaj oksilaboj (la plej popularaj hispanaj versoj) blanke rimiĝantaj, la aparte belefektaj kuraĝaj vortfiguroj surrealisma esprimitaj, sed baziĝantaj sur plej pura realo, kaj la fakto, ke tute akcesora elemento ("la kvina posttagmeze") turniĝas en unurangan fundamentan poezieron, kies alterna ripetado faras la poemon mirinde litanieca, kiel konvenas al funebra kanto.

        Ignacio Sánchez Mejías estis unu el la plej grandaj ĉijarcentaj toreistoj, klera homo tiel inklina al la taŭroudado kiel al la litetraturo, intima amiko de Federico García Lorca, Rafael Alberti kaj, ĝenerale, de ĉiuj poetoj de la renoma "Generacio de '27" kaj aŭtoro de itneresaj teatraĵoj. Kornovundite la 11an de aŭgusto 1934 en la taŭroludejo de Manzanares, li mortis en Madrido du tagojn poste. Daŭrigi la legadon.

(2) Je tioma horo komenciĝas la taŭroludaj spektakloj. Daŭrigi la legadon.

(3) Per tiu blanka littuko oni kovros la senvivan korpon de la toreisto, kies morto fatalas. (Fakte nur la fatalo aŭ la hazardo kondukis lin al la taŭroludejo de Manzanares kiel anstataŭanto de Domingo Ortega). Daŭrigi la legadon.

(4) Jen ree la fatalo superŝvebas la matadoron. Oni kutime surĵetas kalkon sur la sangoflakojn kuŝantajn sur la areno. Daŭrigi la legadon.

(5) Tio neoksideble oksidiĝas, tio neputrema putras...  Daŭrigi la legadon.

(6) Nur la sono de la borduno, la plej bassonora kordo de la gitaro, preludoj al la plej animskua "flamenka kanto", nome la "siguiriya" (sigirija), povas esprimi la dramon.  Daŭrigi la legadon.

(7)  Halucinite, la poeto iamgas koŝmarajn operaciejon, anesteziojn kondukantajn al la morto. Daŭrigi la legadon.

(8) Veninte la homon, je la besto aperas fierplena.  Daŭrigi la legadon.

(9) Ignacio sensanga, aspektis morte pala,kiam la "neĝa ŝvito ekaperis" ("kovriĝis la aren' per jodo"), enambulancigis lin, plenumante liajn dezirojn esti transportata al Madrido.  Daŭrigi la legadon.

(10) La ambulanco paneis survoje. Oni devis atendi la anstataŭajn pecojn. Necesis ŝanĝi la bandaĵon de la vundigo, dum terura varmo pliigis la riskon de infekto.   Daŭrigi la legadon.

(11) Lia sufero, lia batalo kontraŭ la morto tiel violentas, ke, laŭdire, alkroĉiginte al la litkapaj kuprostangoj, li skuas la liton kiu ruliĝas tra la ĉambro. Daŭrigi la legadon.