Grammata fermis!Eble al leganto ne estas konata la vorto Grammata, sed iam tiu vorto estis tre fama inter homoj, kiuj interesiĝas pri elektronika legado. Tiutempe oni uzis komputilajn ekranojn legi librojn senpage. Granada kompanio, Grammata, komencis disvendi tre modestan legilon por elektronikaj libroj, kiuj uzis tion, kion ili diskonigis kiel elektronikan inkon. La legilon oni nomis Papyre, honore al antikva subtenilo por skribo antaŭ al apero de papero kaj printarto.
Mi mem aĉetis tiun ilon antaŭ jardeko, ĉar mi trovis, ke la ideo estas
bonega, povi legi kontraŭ malmulte da mono, kaj ankaŭ ŝparante arbojn el
malapero pro ne plua bezono fari paperon. Bedaŭrinde, aliaj legiloj kun
pli da funkcioj aperis, per kiu oni povas aĉeti librojn kontraŭ tre
malmulte da mono, kiel Kobo aŭ Kindle, kaj oni preferis ilin eble ĉar ties
librovendejoj elektronikaj funkciis pli bone.
Tamen, honoro kaj memoro al Grammata. Sen ĝi la elektronika legado ne estus
same.
