Inteligenta infano.-
Dum vizito inter amikoj, la patrino de Petro invitas lin ĝentile
kisi belan sinjorinon, sed la infano protestas: -ne, mi ne volas
kisi ŝin!-
Kaĵole, la patrino petas de li klarigon pri sia sinteno, kaj la
infano prave eksplikas: -mi ne volas kisi ŝin, ĉar mi ne volas
ricevi teruran vangofrapon, same kiel ŝi faris al paĉjo en nia
antaŭa vizito, kiam li kisis ŝin-.
Oni ne bone scias,. kial la patrino de Petro tiel aĉe akceptis
la logikan eksplikon de la infano.
*** *** ***
Logiko inter frenezuloj.-
Promentante sur strando du frenezuloj konversacias kaj unu
el ili ĵetas sian horloĝon al la maro. La alia tuj lin demandas:
-kial vi ĵetas la horloĝon al la maro?-
-Ĉar mi deziras konstati, ĉu ĝi scipovas naĝi- respondas la
unua.
-Sed ĉu vi pretigis ĝian funkciigilon?- indikas la alia.
-Ho, tute ne!-
-Nu, kiel vi volas, ke ĝi naĝu, se vi ne tion faris?-
*** *** ***
Deduktema infano.-
David rigardas sian patron palpadi bovinon, do scivoleme
demandas lin: Kion vi faras, paĉjo?-
-Mi esplors la staton de la karno de la bovino, ĉar mi volas
aĉeti ĝin por komerca celo-.
-Nu, jam mi komprenas, diras la infano, verŝajne la poŝtisto
ankaŭ volis hieraŭ aĉeti nian najbarinon Maria!-.
*** *** ***
Prudenta maljunulino.-
Unuafoje maljunulino veturas aŭtomobile kaj atente observas,
kiel la stiristo, de tempo al tempo, elŝovas sian brakon tra la
fenestro eksteren. Ŝi konsideras tiun agon malutila kaj danĝera,
kaj tial ŝi diras al li: -bonvolu, sinjoro, ne lasi la
direktilon kaj prefere prizorgu nur la kondukadon, restu
trankvila, ĉar mi mem indikos al vi, kiam pluvos-.
*** *** ***
Pri masonistoj.-
Masonisto mortis pro laborakcidento. En la tombejo, dum la
enterigo viro ploras senkonsole. Alia akompananto demandas ilin:
-Ĉu vi estas proksima parenco aŭ amiko de la forpasinto?-
-Ho, sinjoro, mi nur estis lia kunlaboranto, sed mi ricevis
liajn lastajn vortojn-.
-Kiuj estis tiuj lastaj vortoj?-
-Ho, sinjoro, li diris al mi: "atentu, kolego, ne tiel forte
movu la skafaldon"-.
*** *** ***
Babilema homo.-
-Mi gratulas vin, mia kara, ĉi-foje vi parolis telefone nur
dek minuton! Kun kiu vi parolis?- diras la paciencema edz(in)o.
-Ho, ne gravas, iu maltrafis la numeron- respondas la
babilemul(in)o.
*** *** ***
Alia pri masonistoj.-
Du masonistoj rigardas ĉiutage ekde sufiĉe alta skafaldo virinon
promenantan kun stulta vanteco kaj ofenda lukso kaj kunportantan
kaprican hundeton. Unu el ili, tro kolera pro la ofteco de tiom
da vantaj elmontroj perdas sian prudenton kaj sovaĝe ĵetas
brikon sur la hundeton, kiu mortas terure platigita. Kolera, la
virino denuncas la masoniston, kiu devas tuj sin prezenti en la
Policejon.
La policestro demandas la masoniston, kial li mortigis la
hundeton. Sen plu pensi la masonisto respondis:
-Kion vi volus, ke mi faru? Ĉu eble lasi ĝin mordi min?-
*** *** ***
Komprenebla ĝojo.-
Iu venas el dentisto kaj ŝajnas feliĉega. Konato lin
renkontis: -Pri kio vi tiom ĝojas?
-Mi venas el la dentisto!-
-Ĉu tio estas kaŭzo por tiom ĝoji?-
-Ho, jes, li ne troviĝis hejme!-
Kolektis: María Fernanda.
