Lastnumere mi petis vin, leganto ne voĉdoni en tiu cirka montro, kiun oni faros la venontan 20-an de novembro.
Ankaŭ oni devas memori, ke tiun daton mortis unue, dum la Hispana Intercivitana Milito, Jozefo Antono Primo de Ribera, filo de la unua Diktatoro de Hispanio dum la dudeka jarcento, kaj preskaŭ kvar dek jarojn poste mortis la dua diktatoro de tiu jarcento, Francisko Franko, je la sama dato.
Daŭra propagando de ekstremmaldekstra partio PSOE dum dudek unu jaroj, unue sub regado de Felipe Gonzalez kaj post okjara intermezo, sub tiu de Jozefo Ludoviko Rodriguez Zapatero sukcesis konvinki multajn hispanojn pri tio, ke maldekstro estas bona per si mem, kaj dekstro estas diablo.
Estas nelogike, tamen, ke hispanoj voĉdonis por ili denove je 2008, eĉ se ili, socialistoj, posedas la amaskomunikilojn. Mensogo post mensogo tago post tago konvinkas homojn kun neperfekta edukado, tiu provizita de LOGSE, pri tio, ke dekstro estas diablo kaj maldekstro estas bonega ideologio, malgraŭ la terure malbona ruinigo de la tuta socio kaj nacio hispana fare de socialistoj.
Montru mi kiel ekzemplo, ke la rezultoj de la reporto Pisa diras, jaro post jaro, ke la sukceso de niaj gelernejanoj estas inter la tri plej malbonaj en Eŭropo. Antaŭ 1975 ĝi estis inter la unuaj en la mondo...
Ombroj kaj ruiniĝo aperas en nia horizonto, se ni ne sukcesas forpreni tiujn homojn el nia politika sistemo.
Kiujn, tamen, ni voĉdonu? Ĉu tiun partion, kiu faris la Leĝon pri Minoraĝuloj, PP? Ne, mi ne fidas ilin, ĉar ĝi estis komplica pri LOGSE, kiun ili ne forigis, kaj ankaŭ la Leĝon pri Mistraktado ili ankoraŭ ne diris, ke ili forigos, eĉ se ili konsentas, ke ĝi estas maljusta kaj kontraŭkonstitucia.
Rara partio estus tiu, kiu pretus malplialtigi la salajrojn de la deputitoj mem. Tiun mi voĉdonus.
Antaŭ voĉdoni, oni pensu ĉu oni fidas la voĉdonatan partion.
Tio estu manĝado por via penso, se vi intencas tion fari.
Estu certa, tamen, ke se vi ne voĉdonas, vi diros al ili, ke vi prifajfas pri ili same kiel ili pri vi.
Ĉu vi komprenis? Rubalkaba kaj Raĥoj martelade diras, ke ne voĉdoni estas nedemokratia, sed demokrato povas voĉdoni nur por demokrato. Ne al oligarkio!
Jesuo.
