Vere
ĉi tiu artikolo povus esti sinsekvo de la antaŭa. Nun ni havas la plej
multekostan prezon de elektro de nia historio, kaj unu el la plej altaj,
se ne la plej, el la mondo.
Tamen, ne mankas tiuj, kiuj diras, ke Pedro Sanĉes estas las plej progresisma prezidento de Hispanio... Bedaŭrinde, la lastaj eventoj en nia socio malverigas tiun aserton: li pligrandigis la dependecon de la aliaj du povoj, anstataŭ fari male, kio igus demokration pli granda kaj grava. Sed tion, kion li diris, kiam li estis kandidato, li ne faris.
Nun venas grava nova imposto sur nia elektra fakturo: oni bezonas gason por fari elektron —inter aliaj manieroj atingi tion—, kaj la Registaro de Hispanio, kontraŭante paktojn kun Eŭropo kaj Ameriko, ŝajnas, ke nun aĉetas gason de Rusio, ĉar Alĝerio ne plu volas vendi al ni tion. Sed la Registaro ne havas monon, ĉar ili elspezas ĝin en sensencaĵojn, kiel la Ministerio de Egaleco, kiun oni kreis por persekuti fantomojn, ĉar egalecon inter ĉiuj hispanoj garantias la konstitucio de 1978. Estas laboro de la Registaro igi ĉiun hispanon respekti tion. Bedaŭrinde, la sola rimedo por ke la registaro faru tion estas ampleksigi timon al karcero aŭ monpuno kaj al polico ĉe decaj civitanoj, ĉar la maldecaj havas neniun, kaj havos neniun timon al aŭtoritato, sengrave a al tio, kion la registaro faros. Ni ne forgesu, ke ni ĉiuj estis enkarcerigitaj kontraŭleĝe dum la pandemio dum kelkaj monatoj, malriĉigante nin ĉiujn, eĉ se la registaro ŝajnas ne suferi multe pri tio.
Dum la Prezidento petas sinoferojn al ni, li ade vojaĝas per aviadilo, helikoptero kaj luksaj aŭtoj, kvazaŭ li estus milionulo..., per mono nia, de la popolo de Hispanio. Nun la popolo finfine vidas, ke je sia fakturo de elektro, estas speciala nova imposto: ekstremo gasa je €0.12 po Kw/h, kio signifas, ke tre ofte la kvanto pagenda duobliĝas! Sed tiu nova imposto pri ekstremo gaso estas variebla ĉiutage, kaj je la momento, kiam mi verkas ĉi tion, ĝi estas €0.37 po Kw/h! Kaj tio kvarobligas la bilancon...
Jes,
popolo sinoferas, sed la registaro renoncas al neniu el siaj 22
ministerioj aŭ ties buĝetoj. Ĉu tiu estas ekzemplodona registaro?
Eble oni povas pensi, ke mi troigas. Pro tio mi aldonas ĉi tie parton de fakturo de amiko, kiu devas pagi €129'86 pro tiu nova imposto, aldone al €15'05 de AVI (aldonValorImposto), tio estas, €144.91 pro tio, ke la registaro estas monavida.
Sed tio ne povus okazi, se en Hispanio ekzistus vera demokratio. Ĉar en demokratio, popolo regas, kaj se registaro agas kontraŭ la popolo, la popolo —tio estas, ties reprezentantoj— povas eksoficiigi al registaro tuj kaj senaverte. Kaj registaro, kiu scias tion, neniam mistraktas la popolon eĉ dekone al tio, kio la Registaro de Pedro Sánchez faras nun. Ĉi tiu fakte mortigas la kokinon de orovoj.
En demokratio, deputitoj ne reprezentas partiojn politikajn, sed la civitanojn, organizitajn po distriktoj. Deputitoj povas aparteni al tiu partio politika, kiun ili deziras, sed tio ne gravas al la civitanaro, al kiu gravas nur tio, kion la deputitoj faras. Kaj en demokratio, parlamento povas voĉdoni eksoficiigi la registaron pro kompreneblaj kialoj, ekzemple tiujn, kiujn faras la vivo de civitanoj neeblaj, same kiel okazas nun en Hispanio. Se Parlamento ne pravas, juĝistoj povas juĝi tion... Sed tio ne okazas nun en Hispanio:
Kaj juĝistoj kaj parlamento dependas nun de la volo de la Prezidento, kaj sekve demokratio ne ekzistas. Kio ekzistas nun en Hispanio? Diktatoreco, ĉar la tuta povo restas en manoj de ununura persono, kiu faras leĝojn senlimigite, eĉ tio ne estas lia laboro, ĉar tio estas la laboro de Parlamento. La laboro de la Prezidento de la Registaro estas garantii, ke ĉiuj plenumas la leĝon. Malfacila tasko, se la Registaro mem ne plenumas tion. Hispanio ne meritas registaron, kiu rabas nin kaj mensogas al ni. Ni vekiĝu!
