~ Kajeroj.
~ Gazetoteko ~ Kajero 97ª ~ PDF (paĝo 5ª)
De kelkaj monatoj publika opinio en Hispanio kaj plejparto de aliaj landoj estas kaptitaj de la pruses', tio estas, la procedo de katalunaj sendependistoj apartigi tiun regionon hispanan, Katalunion, el la cetera parto de nia nacio.
Pardonpetas mi, ke mi ne venis plu frue antaŭ vi. Vere estas, ke niaj kutimaj kunlaborantoj ne venis helpi min ĉifoje, sed tamen laŭ la jaro 2017ª mi trifoje estis publikigonta la nunan numeron de nia revuo. Sed eĉ se dume okazis gravaj eventoj en nia lando, mi ĉifoje rifuzas ŝanĝi denove la koverton kaj la ĉefartikolon, ĉar tio estus gravigi ion, kio ĉiam estis ĉifona politiko en kelkaj partoj de Hispanio, kie malsolidarecon oni volas vesti per pli honorindaj rompitaj tualaĵoj, nome naciismo, sendependismo, honoro, kaj tiel plu.
Laŭ mia eltrovo, ŝajnas ke la katalunaj politikistoj provis sendependiĝi unue, por ke la registaro de Hispanio helpos ilin trovi sian lokon en la internacia koncerto de nacioj, ĉar ili ne havis armeon aŭ monon, kiel ĉiuj kompetentaj puĉistoj havis laŭ la tuta historio de homaro. La tuta afero ŝajnas al mi infana ludo, eĉ se ĝi havas nun neatenditajn sekvojn de puĉistoj. Pro tio ili nun estas en karcero aŭ ekzilo. Sed same kiel nerespondecaj geinfanoj, ili nun plendas, ke ili faris nenion, kaj ke oni reprezalias ilin ĉar ne estas demokratio en Hispanio.
Nu, mi diras, ke ili pravas, sed ne pro tio, kion ili diras: nun estas demokratio nek en Hispanio nek en Katalunio. Ambaŭlande politikistoj ne reprezentas la popolon, sed la partiojn politikajn, kiuj ne atentas al bonfarto de civitanoj, sed al tiu de si mem. Alimaniere la eks registaro de Katalunio neniam deklarus sendependiĝon kun tiom malmulte da voĉdonoj kompare al la tuta nombro de civitanoj de Katalunio. Kaj se la voĉoj estus vere plimultaj, la procedo devus esti laŭleĝe, ne tiom infaneske.
La Registaro Hispana ne estas pli demokratia, ankaŭ: Ili plendas, ke demokratio baziĝas sur respekto al leĝoj, sed tamen artikolo 155ª ne ebligas Prezidenton hispanan eksigi registaron katalunan, sed nur promocii, ke ili plenumu leĝon per iu ajn manieron. Sed eksigo vere estas maniero malebligi tion. Laŭ mi, tiu maniero malplenumi leĝon fare de la Hispana Registaro estis ruzo ne uzi artikolon 116-an, kiu lasus kontrolon en manoj de armeo. Kompatinda lando, kies politikistoj ne estas kuraĝaj!
Pro tio mi prifajfas tiun ĉi revolucion surpaperan.