Antaŭ pli 20 jaroj mi ankoraŭ okupiĝis pri gitaro klasika, alidirite hispana eble pro tio, ke niaj praavoj estis tiom fremdaj al eksterlando (eble prave, sed tion ni pridiskutos alian tagon), ke ili kredis, ke nian muzikilon oni ne konis ekster niaj limoj, kaj sekve ili ne konis la bonegan muzikon, kiun por ĝi verkis genioj kiel Maŭro Ĝiuliani, Francesco Corbetta, J. H, Kaspberger, Charles Doisy kaj aliaj indaj muzikistoj.
Tamen, en konstelacio de gitaristoj neniu tiom brila kiel francohispano Fernando Sor y Muntada. Mi konis lian muzikon, kiam mi studis en konservatorio, kaj scivola pri lia tuta muziko, mi trovis la ses dek kvar juvelojn, kiujn li komponis dum tuta sia vivo, en Hispanio kaj Francio.
Mi kompilis preskaŭ ĉiujn muzikaĵojn de Fernando Sor (fakte nur tri mankas ankoraŭ) kaj publikigis ilin pere de mia retpaĝo, per MIDI formato pere de programoj Mozart kaj TableEdit. Bedaŭrinde, la modernaj komputiloj kutime ne plu uzas tiun formaton, kaj sekvante afablan konsilon de amiko, mi tradukis la tutan verkaron de Fernando Sor al pli nova, ĝenerale uzata MP3, eĉ se ĝi estas multe pli peza, kio signifas, ke la muzikarĥivoj estas multe pli grandaj. Tamen tio ne plu gravas pro la pli granda rapideco de hodiaŭaj retkonektiloj.
Nun oni povas denove ĝui la muzikon de mia paĝo pri Fernando Sor. .
Bonan aŭskultadon kaj legadon!
