Rita
Maestre estas hispana politikistino (oficante nun kiel konsilistino ĉe la
urbodomo de Madrido), kiu invadis preĝejon kiam ŝi estis 22jaraĝa,
duonnude kaj kriante tiun sensencan sloganon: Vi brulos same kiel je
'36!
Ŝi apartenas al politika partio Más Madrid (Pli da Madrido), kiu estas disiĝo de PODEMOS, tro novaj partioj, kiuj ne scias pri historio, kaj pro tio ili ignoras, ke je la 30aj jaroj de la lasta jarcento maldekstruloj sangavidaj kiel ŝia krio evidentigas, mortigis 3 400 preĝistoj je aŭgusto kaj septembro de 1936 nur pro tio, ke ili estas eklezianoj.
Dum la Dua Respubliko Hispana kaj dum la sekva milito intercivitana brulis multe da preĝejoj katolikaj en Hispanio, kaj ankaŭ oni murdis multe da homoj —ofte post torturado— pro tio, ke ili estis religiemaj, kaj sekve ne revoluciaj. Jen peko antaŭ okuloj de revoluciuloj. Tamen tio ne estas respekto al leĝo aŭ al homaj rajtoj bazaj. Ĉu revoluciuloj atentas al tio? Se ili atentus, ili ne atencus.
Tiutempe religiuloj mastrumis diversajn lernejojn. Sed post bruligi ilin, revoluciuloj ne konstruis novajn lernejojn, kaj sekve infanoj perdis rajton havi edukadonpro revoluciaj kialoj. Jen revolucio kontraŭ la popolo. Ankaŭ ili mortigis instruistojn, se ili estis religiuloj. Tio okazis ankaŭ al monaĥinoj, kiuj instruis en religiaj lernejoj. Tiuj lernejoj, kiuj ne estis bruligitaj, estis fermataj, se ili estis religiaj, kaj sekve la gefiloj de laboristoj ne plu havis kapablon lerni, ĉar lernejbruligistoj ne konstruis novajn lernejojn por la infanoj, kiuj bezonis ilin. Ŝajne, pli bone ne lerni ol lerni tio, kion edukitaj religiuloj povas instrui.
Verŝajne homoj, kiel madrida konsilistino Rita Maestre, sopiras —aŭ almenaŭ sopiris tiutagon— al tiu etoso, kiam netoleremo al alipensanto estis totalisma fakta normo. Similaj eventoj okazis en Barselono tiutempe, kiuj iris senpunaj. Tamen, en Madrido la afero iris alimaniere, ĉar oni denoncis ilin, kaj fotoj estis prezentataj kiel evidento, kaj okazis kondamna sentenco pro tio, ke ekzistas protekto kontraŭ misrespekto al religiaj sentoj.
Estas ridinde, ke homoj, kiuj defendas tiujn sensencaĵojn, protestas kontraŭ krimoj pri malamo, kiu ankaŭ ekzistas en nia jura sistemo, kaj samtempe parolas malame pri katolikoj kaj dekstruloj. Ĉu estas respekto diri, ke oni brulos same kiel je 1936? Se tio okazos, estos tempo de milito, malamo, detruo, aferoj, kiujn esperantisto kaj komuna homo kondamnas denaske. Milito kaj malamo pardonas neniun, kaj tion ja scias katolikoj, kiuj suferis kaj ankoraŭ suferas persekutadon ĝismortan de la Romia Imperio ĝis la nuna islamaj landoj. Pro tio Katolikismo estas la religo de amo kaj pardono. Pro tio tiuj kuraĝaj maldekstruloj atencas kontraŭ katolikoj kaj ne kontraŭ islamanoj, kiuj ne pardonas ofendon al sia Dio aŭ religio...
En la hodiaŭa mondo, aparte en Hispanio, revolucio havas valoran rolon en la menso de junuloj kaj ankaŭ de maljunuloj, kiuj ne sufiĉe maturiĝis aŭ kleriĝis. Ĉar revolucio ĉiam voras sian gefilojn, kiel franca revoluciulo Georgo Jakvo Danton' asertis. Li sciis kial li diris tion: dum la regado de Robespjer' multaj francoj estis mortigiataj, eĉ se ili estis veraj revoluciuloj, eĉ Robespjer' mem estis finfine ekzekutata pere de gilotino. Do, vere estas nenio festumi okaze de la datreveno de la Franca Revolucio. Aliloke tra la maro, en Usono, estis okazinta alia revolucio kaŝe de nomo de sendependiga milito. Ĉar ili neigis la rajton dian de Reĝo de Britio regi ilin, se ili ne estis reprezentataj en la Brita Parlamento. Jen la povo de la popolo: jen la vera revolucio. Kaj ili ne mortigis ilin mem unu la alian, sed batalis milite la fremdan povon, la anglojn. Laŭ mi tio ne estis revolucio, sed evoluo.
Pro tio, frazoj tiom sensencaj kiel tiuj de Rita Maestre kaj kunantoj, defiantaj kaj ofendigaj, iras nenien en historio. Malamo konstruas nenion. Amo konstruas ĉion. Sed postulas kuraĝon ami sian najbaron, kiel katolikismo defendas, evidentiĝas malkuraĝon kaŝiĝi en la amaso malami kaj agi, sekve. Mi opinias, ke Rita Maestre havas gravan makulon en sia historio persona, kiu malkapabligas ŝin vivi en politiko. Bonvolu, Rita, rezignu. Vi havas nenion alporti.
