Fama
filozofo hispana Jozefo Ortega kaj Gasset' iam diris, ke Aliĝi al
maldekstro, same kiel aliĝi al dekstro, estas unu el la senlimaj
manieroj homo povas elekti esti stulta: ambaŭ, fakte, estas manieroj de
morala hemiplegio.
De ĉi tiuj paĝoj ni ĉiam defendas, ke oni bezonas kaj dekstron kaj maldekstron por marŝi, ĉar homo, al kiu dekstro aŭ maldekstro mankas, falas. Simile okazas al lando. Sed por tiu oni vere devas havi maldekstron kaj dekstron, nome: emo evolui kaj progresi, kaj emo konservi tion, kio bone funkcias. Evolui per evoluo mem estas tiom sensenca, kiom stagni kaj ne permesi al si evolui.
Bedaŭrinde mankas en Hispanio dekstro kaj maldekstro. Estas partioj, kiuj nomas sin —kaj ankaŭ aliajn— tiel, dekstro kaj maldekstro, sed tamen PSOE kaj PODEMOS ne progresigas la landon, ĉar ni travivas socialan regreson, kun malpli da rajtoj kaj bonfarto, kaj dekstro faras nenion solvi la aferon. En demokratio popolo igus la registaron solvi socialajn kaj naciajn problemojn, sed bedaŭrinde en Hispanio ne ekzistas demokratio.
Sed oni povas klarigi pri nia problemo priskribante tion, kion memdiritaj dekstruloj kaj maldekstruloj diras kaj faras:
Kiam dekstrulo diras, ke li ne ŝatas pafilojn, li nur ne aĉetas ilin. Kiam maldekstrulo diras, ke li ne ŝatas pafilojn, li volas malpermesi ilin eĉ en armeo.
Kiam dekstrulo diras, ke li ne ŝatas taŭroludon, li ne spektas ĝin kaj fino. Kiam maldekstrulo diras, ke li ne ŝatas taŭroludon, li provas malpermesi ĝin kaj uzas la taŭroludejon por mitingoj de sia partio.
Kiam dekstrulo diras, ke li ne ŝatas fumi, li ne fumas kaj fino. Kiam maldekstrulo diras, ke li ne ŝatas fumi, li ne ripozas ĝis li malebligas, ke oni fumu.
Kiam dekstrulo estas samseksemulo, li vivas sian vivon trankvile ĝenante neniun. Kiam maldekstrulo estas samseksemulo, li fanfaronas pri tio, paradante "orgojle" kaj postulante subvencion publikan.
Kiam dekstrulo havas problemon en sia laboro, li trovas alian postenon aliloke kaj fino. Kiam maldekstrulo havas problemon en sia laboro, li denoncas laboran persekuton kaj strikas kontraŭ diskriminacio kun apogo de sia sindikato.
Kiam dekstrulo ne ŝatas televidprogramon, li ŝanĝas al alia kanalo aŭ malŝaltas la televidilon kaj fino. Kiam maldekstrulo ne ŝatas televidprogramon, li denoncas la kanalon pro tio, ke ĝi estas faŝisma.
Kiam dekstrulo estas atea, li ne vizitas preĝejon kaj fino. Kiam maldekstrulo estas atea, li ne toleras aludon al Dio ie ajn publike, kaj protestas kontraŭ religioj kaj ties simboloj (krom kontraŭ Islamismo, ĉar li ne sufiĉe kuraĝas).
Kiam dekstrulo havas ekonomiajn problemojn, li laboras plej eble kiel multe, kaj provas pagi siajn ŝuldojn. Kiam maldekstrulo havas ekonomiajn problemojn, li kulpas la registaron —se ĝi ne estas maldekstrisma, kompreneble—, entreprenistojn, burĝistojn, bankojn kaj kapitalismon, globaligon, Usonon, Filipon 2an, Frankon, la Papon, La Reĝa Madrido kaj eksterteranojn...
Kaj tiel plu.
Sed kiam dekstrulo legas ĉi tiun artikolon, li ridas kaj mencias al amikoj esperantistaj. Maldekstrulo, tamen, koleras, insultas la redaktoron kaj forĵetas la magazinon.
Ĉu vi leganto, opinias, ke tio estas troigo? Se jes, ni atendas vian opinion por publikigi ĝin en ĉi tiuj paĝoj.
