Funde de la ĉarma preludo kvara de Tarrego, ni vidas la kovrilon de nia bulteno n-ro 63-a. La simbolo de SAT aperas sur la simbolo ruĝa de komunismo, kvazaŭ la unua falos sur la duan, kaj ĝi bildigas la demandon, SAT, kien vi iras? SAT ĝis nun estis nepartipolitika, ne dogmiga, sed ŝajnas, ke laste estas agoj kontraŭaj al LEAo pro tio, ke ĝi ne estas sufiĉe maldekstrisma, kaj sekve ne sufiĉe SATeca...

Pri tiu temo estas la artikolo La problemo pri SAT, sed ankaŭ la temon tuŝas la Informoj de la Prezidanto kaj Redaktore.

Anoj de HALE kaj SAT estas invititaj premieri siajn plumojn pri tiu ĉi grava temo, se ili havas ion diri, ĉu kontraŭe, ĉu pore.