De la 21ª ĝis la 23ª de septembro okazis libra foiro en Mursjo, dek jarojn post la lasta. Ĉi tiu estis la 16ª, kaj esperantistoj ne havis budon, sed mi kunlaboris kun Eldonejo MCRC. Tio estas akronimo de Movo Civitana por Respubliko Konstitucia, do en Esperanto MCRK.
La rilato de tiu budo, nombro 11ª, kaj de la foiro mem, al Esperanto, estas vere mí.
En apuda foto oni vidas MCRCanon Germán Beteta, kaj mi montrante ĉefverkon de Antonio García-Trevijano Forté, Teorio Pura de Demokratio, kiun mi konsilas vin legi, kaj pri kiu mi prezentos recenzon en ĉi tiuj paĝoj en numero 101ª, kaj noveleton mian, ¡Viva la Repúbica!, kiun vi jam legis ekde ĉi tie.
Tiu verkisto, mortinta la lastan 28an de februaro, defendas per siaj verkoj, ke en Hispanio, kaj ankaŭ en la cetera Eŭropo, ne ekzistas demokratio, sed oni povus starigi ĝin, se oni sukcesus krei kaj adopti vere demokratian konstitucion. El liaj libroj mi prenis la ideojn, kiujn mi defendas en miaj artikoloj politikaj ĉi tie, ĉar ili estas logikaj.
Preterpasantoj interese demandis nin pri niaj libroj, scivolemaj pri afiŝo, kiu estas sur dekstra muro en nia budo, dirante citaĵon de Platon': Prifajfi politikon kostas, ke regu nin la plej malbonuloj. Kaj niaj kvar demandoj: 1 Kial ni havas prezidenton, kiun ni ne elektis? 2 Kio estas la origino de korupteco? 3 Kiel via politika reprezentanto nomiĝas? kaj 4 Kio estas kolektiva libereco? Kaj ĉefdemando: Ĉu vi havas respondojn al tiuj ĉi demandoj?
