Leganto havas en siaj manoj la numeron 100an de Kajeroj el la Sudo. Vere, la vojo estis longa kaj ne ĉiam estis komforte verki kaj reverki la artikolojn, kiujn vi, leganto, legis laŭ la jaroj. Sed jen ni.
Eble la fondintoj de la magazino, Antonio Marco Botella kaj Miguel Fernández, ne antaŭvidis nian longan vivon, ĉefe pro tio, ke estis problemoj en la asocio, pro politikaj kialoj, kiuj kaŭzis, ke preskaŭ ĉiuj niaj samideanoj forlasis HALEn, kaj se estas miloj da legantoj de nia bulteno, tio estas nur pro tio, ke oni povas legi ĝin tute senpage el ĉiu lando el la mondo. Jes, ni memoru, ke ni estas laboristoj, sed ne nepre ruĝaj, aŭ eĉ maldekstraj. Laboristoj ja rajtas havi la politikajn inklinojn, kiujn ili preferas, kaj eĉ se tiuj maldekstraj ne komprenas, ke oni povas esti laboristo kaj ne maldekstra, tio tamen ne estu nekonvene ne aparteni al asocio kiel tiu nia, Hispana Asocio de Laboristoj Esperantistaj. Espereble la centa numerveno ŝanĝigu la sintenon de esperantistoj kaj laboristoj, kaj denove ni amike venu kaj kunlaboru en klerigajn asocion kaj bultenon.
De kiam la numero, kiun vi havas antaŭ viaj okuloj, leganto, devintus veni, kelkaj gravaj aferoj okazis en Hispanio kaj ekstere. Unue estis la 103ª Universala Kongreso de Esperanto en Lisbono. Tie renkontiĝis multe da malnovaj amikoj, kvankam aliajn oni ne povis renkonti, ĉar ili jam forpasis, bedaŭrinde.
La alia afero grava estas la truka enekoficiĝo de la perdinto de la lasta balotado en Hispanio. Pri ambaŭ eventoj ni rakontas en niaj paĝoj.
Aldone, okazis Libra Foiro en Mursjo post kelkjara neapero. Mi partoprenis en budo MCRC.
De la komenco de la dua cento de nia numeraro, mi intencas, ke Kajeroj el la Sudo iĝu pli literatura kaj kleriga, kvankam en literaturo povas veni ĉiu kampo de homa penso, inkluzivante socialo kaj politiko, kiel ĝis nun formigis niajn numerojn. Fakte tiu ĉi numero devintus esti verkita en la latina, sed mankas klerigo al mi fari tion, kaj sekve ĝi aperas nun en miaj tri lingvoj.
Mi esperas, ke ni akurate prezentiĝos antaŭ vi, kaj ke vi komentos pri nia laboro, kiun vi kompreneble estas invitata partopreni kaj kunlabori, se vi emas tion fari.
